Al-Munâfiqûn - The Hypocrites
இந்தப் பக்கத்தில் அரபு உரையைப் படித்து, தமிழ் மொழிபெயர்ப்பைப் புரிந்து, ஓதுதலைக் கேட்டு, வசனம் வசனமாக படிப்பைத் தொடரலாம்.
முனாஃபிக்குகள் உம்மிடம் வரும்போது, "நிச்சயமாக நீர் அல்லாஹ்வின் தூதர் என்று நாங்கள் சாட்சி கூறுகிறோம்" என்று அவர்கள் கூறுகிறார்கள்.
(நிச்சயமாக நீர் அவனுடைய தூதர் என்பதை அல்லாஹ் அறிவான். ) ஆனால், முனாஃபிக்குகள் நிச்சயமாகப் பொய்யர்கள் என்று அல்லாஹ் சாட்சி கூறுகிறான்.
அவர்கள் தங்கள் சத்தியங்களை ஒரு கேடயமாக ஆக்கிக் கொண்டார்கள். அதன் மூலம் அல்லாஹ்வின் பாதையிலிருந்து (மக்களைத்) தடுத்துக் கொண்டார்கள்.
அவர்கள் செய்து கொண்டிருப்பது மிகவும் கெட்டது! இது ஏனென்றால், அவர்கள் ஈமான் கொண்டு, பின்னர் நிராகரித்து விட்டார்கள்.
ஆகவே, அவர்களுடைய இருதயங்கள் முத்திரையிடப்பட்டு விட்டன. எனவே, அவர்கள் விளங்கிக் கொள்வதில்லை.