Al-Ḥashr - The Banishment
இந்தப் பக்கத்தில் அரபு உரையைப் படித்து, தமிழ் மொழிபெயர்ப்பைப் புரிந்து, ஓதுதலைக் கேட்டு, வசனம் வசனமாக படிப்பைத் தொடரலாம்.
வானங்களிலும், பூமியிலும் உள்ளவை அனைத்தும் அல்லாஹ்வைத் துதிக்கின்றன. நிச்சயமாக அவன்தான் மிகைத்தவனும், ஞானமிக்கவனுமாவான்.
வேதக்காரர்களில் நிராகரிப்பவர்களை அவர்களுடைய வீடுகளிலிருந்து வெளியேற்றியவன் அவனே. இதுவே முதல் நாடு கடத்தலாக இருந்தது.
அவர்கள் வெளியேறுவார்கள் என்று நீங்கள் எண்ணியிருக்கவில்லை.
மேலும், அவர்களுடைய கோட்டைகள் அல்லாஹ்விடமிருந்து அவர்களைக் காப்பாற்றும் என்று அவர்கள் எண்ணினார்கள்.
ஆனால், அவர்கள் சற்றும் எதிர்பாராத இடத்திலிருந்து அல்லாஹ்வின் கட்டளை அவர்களிடம் வந்தது. மேலும், அவன் அவர்களுடைய உள்ளங்களில் திகிலைப் போட்டான்.
ஆகவே, அவர்கள் தங்கள் வீடுகளைத் தங்கள் கைகளாலும், முஃமின்களின் கைகளாலும் அழித்தார்கள். ஆகவே, படிப்பினை பெறுங்கள், அகப்பார்வையுடையவர்களே!
அல்லாஹ் அவர்களுக்கு நாடு கடத்தலை விதியாக்காமல் இருந்திருந்தால், நிச்சயமாக அவர்களை இம்மையிலேயே தண்டித்திருப்பான்.
மேலும், மறுமையில் அவர்களுக்கு நரக வேதனை உண்டு.